Улаач гэдэг нь нартын хорвоогоос дээд тэнгэрийн оюун
санаатай холбогдон тэдний хүсэлтийг хэлмэрчлэн дамжуулагч ер бусын хүчийг
өөртөө агуулагч хүнийг хэлнэ. Улаач бол бөө мөргөлийн зан үйлийг эрхлэн
үйлдэгч, онго тэнгэрийн ертөнцтэй эгэл хүмүүүсийг холбон зуучлах эрхэм чухал
үүрэгтэй. Өвөг дээдсийн эзэд онгодыг хүн зоны дунд төлөөлнө гэдэг нь ерийн нэг
усан нүдтэн, цусан зүрхтэн болгонд оногдож болдог үйл биш ажээ. Улаач болно
гэдэг нь юуны өмнө удам дамжсан шинжтэй бөгөөд эцэг өвгөдөөс үр хүүхэд, ач гуч
ойр төрөлдөө уламжлуулан үлдээх залгамж өв шинжтэй зүйл юм. Бөө мөргөлийн эл
уламжлал, залгамжлал нь өвчин эмгэг /гай зовлон/ маягаар илэрдэг байна. Эмэгтэй
улаачыг удган, эрэгтэй улаачыг зайран гэнэ.
Зайран удган болно гэдэг нь өвөг дээдсийн онгод тэнгэрийн
дуудлагаар шилэгдэн сонгогдож
болохоос биш, зүгээр нэг зайран, удганыг дуурайн маяглах, юм уу, дасгал
сургууль хийх төдийгөөр болж бүтдэг зүйл биш байна....
No comments:
Post a Comment